Федерацијата на училишен спорт на Македонија преку Општински сојуз на ниво на цела држава организира “Отворена училишна спортска недела” за основни и средни училишта со
активности како што се: пешачење, планинарење, велосипедизам, ориентационо движење,
како и други активности кои ќе се реализираат на отворен простор, надвор од училишните
објекти според предвидените протоколи и и мерки.
По тој повод и Општинскиот сојуз на
училишен спорт на Куманово организира активности (велосипедизам, пешачење, ролери и
скејтборд ) кои се реализираат во период од 17 до 21 мај на терени како што се Зебрњак, “Живкова карпа”, Градски кеј и Спомен Костурница.
Како дел од Отворената училишна спортска недела Градоначалникот Максим Димитриевски присуствуваше и се обрати на Спомен Костурница, каде беа реализирани главните активности предвидени за оваа спортска недела во Куманово како што се велосипедизам и пешачење до “ Живкова Карпа”.
Извор: Општина Куманово
