Започнуваме со реконструкција на просторот околу спомен чешмата на Томислав Настевски-Бумбар. Покрај санација на плочките, истиот ќе биде оплеменет и со ново зеленило, урбана опрема, осветлување.
Истовремено, општината продолжува со изградба на шесте урбани скверови на своја територија. Во моментов се работи на уредување на мал јавен парк кај поштата во Волково.
На овие јавни површини ќе се постави дрвена конструкција со иновативно осветлување, кружни клупи, корпи за отпадоци, патеки а целиот простор дополнително ќе се облагороди со дрва и зеленило.
Општина Ѓорче Петров создава нови зелени површини а со тоа се добиваат уште места за дружба, одмор и релаксација.
Извор: Општина Ѓорче Петров
