АХВ: Пред празникот Курбан Бајрам, засилени инспекциските контроли на добиточните пазари

Самостојни органиСамостојни државни органиАХВ: Пред празникот Курбан Бајрам, засилени инспекциските контроли на добиточните пазари
spot_img

Најчитано

spot_img
spot_img

Директорот на Агенција за храна и ветеринарство Николче Бабовски, пред претстојниот голем муслимански празник Курбан Бајрам, одржа работен состанок со претставници на Исламската верска заедница, Министерството за внатрешни работи и општинските комунални и инспектори за заштита на животната средина, со цел координирање на активностите на секоја од институциите, за контрола на безбедноста на храната и здравствената заштита и благосостојба на животните.

Инспекциските служби спроведувааат вонредни засилени контроли на добиточните пазари и локациите надвор од нив, а за кои имаат сознанија дека таму се врши нелегална трговија со добиток и недозволено колење.

-Целта на овие активности е да се обезбеди високо ниво на заштита на здравјето на граѓаните и да се гарантира консумација на безбедно месо, кое потекнува од здрави животни, почитувајќи ги културните и религиските барања на верските заедници. Агенцијата за храна и ветеринарство како одговорна институција за безбедноста на храната и здравствената заштита и благосостојбата на животните, апелира до граѓаните за претстојниот празник да не купуваат добиток од дивите пазари, бидејќи таму нема гаранција за здравствената состојба на животните, со што во прашање може да се доведе здравјето на купувачите и нивните семејства – вели Бабовски.

Движењето на животните да се врши исклучиво со поседување на сертификат за здравствена состојба на секоја единка, а колењето на животните да се врши во одобрени кланици од страна на Агенцијата, освен за животните кои се колат за сопствени потреби, за што треба да биде известен официјален ветеринар или овластено ветеринарно друштво кое треба да изврши одјавување на закланата единка од Ветеринарно информативниот систем на Агенцијата за храна и ветеринарство. Бабовски апелира граѓаните да бидат внимателни и при набавка на месо кое треба да се купува од одобрени месарници, кои ги имаат имаат имплементирано стандардите за безбедност на храната.

Извор: Агенција за храна и ветеринарство 

spot_img
spot_img
spot_img

Последни објави

spot_img
spot_img
spot_img
spot_img
spot_img
spot_img
spot_img
spot_img

Читај повеќе

spot_img
spot_img