Центар: Градоначалникот Богдановиќ и директорот на ЈП „ПОЦ“, Кичевски, го презентираа проектот за реконструкција на улицата „Ленинова“

ОпштиниЦентар: Градоначалникот Богдановиќ и директорот на ЈП „ПОЦ“, Кичевски, го презентираа проектот...
spot_img

Најчитано

spot_img
spot_img

Пред дирекцијата на ЕВН во Општина Центар, градоначалникот Саша Богдановиќ и директорот на ЈП „ПОЦ“, Васко Кичевски, заедно со дел од општинските служби го презентираа проектот за целосна реконструкција на улицата „Ленинова“.

На средбата, одржана на барање на жителите кои живеат во овој дел од општината, градоначалникот, директорот на ЈП „ПОЦ“ и службите лично им ги претставија сите придобивки од проектот на присутните и ги слушнаа нивните предлози.

Проектот за реконструкција опфаќа 7800 м2 нов (горен и долен строј) асфалт, целосна замена на водоводната и атмосферската мрежа, тротоари на површина од 4100 м2, воведување на резидентен паркинг по цела должина на улицата, нова урбана опрема и еколошко ефикасно ЛЕД улично осветлување.

Со обновувањето на улицата, граѓаните ќе добијат улица со нов лик и повеќе зеленило, безбедна и квалитетна, изведена во согласност со сите современи стандарди за функционалност.

Жителите кои живеат во околните згради на средбата со градоначалникот Богдановиќ и директорот на ЈП „ПОЦ“, Кичевски, разговараа и за проблемите со кои секојдневно се соочуваат, за нивните идеи и предлози во врска со подобрувањето на условите за живот во општината и за други прашања од локален интерес.

И реконструкцијата на улицата „Ленинова“ е дел од големата летна градежна офанзива за реконструкција на уличната мрежа во Општина Центар, која заклучно со почетокот на есента, ќе обезбеди вкупно 37 реконструирани улици на целата територија.

Извор: Општина Центар

spot_img
spot_img
spot_img

Последни објави

spot_img
spot_img
spot_img
spot_img
spot_img
spot_img
spot_img
spot_img

Читај повеќе

spot_img
spot_img