На 27.05.2021 година, локалниот огранок на Левица – Демир Хисар, достави барање до советот на Општина Демир Хисар за расчистување на дивите депонии, поставување на знаци за забрана, достапен телефонски број на кој граѓаните ќе можат да пријават вишок на отпад, негово промовирање пред јавноста и поставување на контејнери во сите наслени места во општината.
Барањето не е ставено на дневен ред на ниту една од трите одржани седници заклучно од 27.05 па до денес, а како причина за тоа, претседателот на советот на Општина Демир Хисар ни посочи дека општината веќе “започнала” со расчистувањето на депониите.
Уште една предизборна лага и мачкање на очи од страна на локалната власт, која е глува на барањата на граѓаните и покрај тоа што ветија дека ќе ги чистат дивите депонии и дека ќе ги слушаат сериозните барања на граѓаните за чиста животна средина.
Извор: ЛЕВИЦА
