По претходно завршување на подготвителните работи кои беа обврска на општина Струмица, официјално започна изградбата на спортската сала Модел 1 на површина од 650 метри квадратни во населеното место Муртино. Финансискиот зафат на оваа инвестиција е околу 24.000.000 денари, а рокот на изведба 7 месеци.
Средствата се обезбедени од Министерството за образование и наука, согласно Програмата за изградба на 145 спортски сали во основни и средни училишта.
Извор: Општина Струмица
