Градоначалникот на Општина Кисела Вода, Орце Ѓорѓиевски, во својот кабинет оствари работна средба со тимот од Светска банка, предводен од претставникот на Светската Банка, Беким Имери и главниот координатор на вториот МСИП проект, Тања Томиќ.
На состанокот се дискутираше околу тековната имплементација на проектот за реконструкција на постојната улична мрежа-коловоз на улицата “Сердарот”, кој е финансиран со средства од Вториот МСИП Проект, како и за можноста за понатамошна соработка.
Од страна на градоначалникот Ѓорѓиевски, тимот од Светска Банка беше информиран околу стратешките планови и приоритетни проекти кои се зацртани во неговата програма. Заеднички, се дискутираше кои се потребите на општината и во кој дел може да се бара финансиска поддршка за реализација на покрупни проекти од интерес на граѓаните.
Средбата беше заокружена со заклучок дека успешната соработка со оваа институција ќе продолжи, се со цел, Општина Кисела Вода да има силен локален економски развој кој ќе донесе подобар живот на граѓаните.
Извор: Општина Кисела Вода
