Претседателот Момчило Петровиќ и неколку претставници од Здружението на пензионери од општина Кисела Вода остварија средба со градоначалникот Орце Ѓорѓиевски. Му посакаа добра и успешна работа и со него отворија повеќе теми врзани со подобрувањето на квалитетот на живеење за оваа категорија на граѓани.
Ѓорѓиевски искажа подготвеност да им се излезе во пресрет за сите добри идеи и потенцираше дека во неговата програма има бројни проекти наменети токму за пензионерите и нивните потреби. Потсети дека токму во моментов тече обуката за негуватели кои на старите и изнемоштени лица од овој дел на градот ќе им пружаат помош во нивниот дом. Ќе има и проекти за подобрување на социјалниот живот на пензионерите. Ќе се одржуваат настани од културен, спортски, социјален карактер во кои тие ќе бидат вклучени.
-Овие лица се значаен сегмент од нашата заедница и ќе овозможиме да го добијат заслуженото место во општественото живеење, наведе на средбата градоначалникот на Општина Кисела Вода Орце Ѓорѓиевски.
Извор: Општина Кисела Вода
