Имајќи ги предвид заедничките заложби за владеење на правото и доброто управување, Извршната директорка на Фондацијата Отворено општество – Македонија Фани Каранфилова-Пановска и градоначалникот на Општина Берово,Звонко Пекевски вчера, остварија средба, на која потпишаа Меморандум за соработка.
Соработката помеѓу Општина Берово и Фондацијата, има за цел, да придонесе кон унапредување на доброто владеење на локално ниво, преку зајакнување на отпорноста на локалната власт, на корупција и конфликт на интереси, а со воведување на систем на интегритет во општината.
Како резултат на ваквата соработка, се очекува да се спроведе проценка на ризици од корупција и судир на интереси, во општина Берово; да се усвои план за интегритет; да се унапредат знаењата за интегритет и капацитетите на административните службеници, да постапуваат во случи на корупција и судир на интереси; да се донесе подзаконски акт, со кој се регулираат интерните механизми за пријавување на случаи на корупција и судир на интереси во општината.
Меморандумот за соработка е склучен во рамки на проектот „Зајакнати системи на интегритет за борба против корупција на локално ниво“, кој го реализира Фондација Отворено општество – Македонија, а е дел од Проектот на УСАИД за граѓанско учество.
Повеќе информации за Проектот на УСАИД за граѓанско учество на
https://cep.mk/ и
https://www.facebook.com/CEPNorthMacedonia
Извор: Општина Берово
