Во пријателска и конструктивна атмосфера беше средбата на министерот за здравство, Беким Сали со амбасадорот на Чешка, Јарослав Лудва. На средбата стана збор за размена на искуства и предизвиците со кои се соочуваат двете земји во справувањето со пандемијата.
Заеднички беше договорено оваа соработка во иднина да продолжи и да се продлабочи, со акцент на обуки на медицински персонал, како и евентуална помош од донации доколку е тоа неопходно.
Министерот Сали изрази благодарност за посетата на амбасадорот Луда, со надеж дека овие средби ќе продолжат и во иднина, надградувајќи ја досегашната соработка во здравството меѓу двете држави.
Извор: Министерство за здравство
