По повод овогодинешното одбележување на Меѓународниот ден на жената, 8 Март, во рамки на Проектот за воведување на родовата перспектива во администрацијата на централно ниво подготвена е јавна кампања за запознавање со битни податоци и трендови за состојбата на родовата еднаквост во неколку сфери од нашето општество, како и за важноста на родовата статистика и родово-разделените податоци кои треба да служат како основа за креирање на сите политики и услуги во општеството, со цел да одговорат на различните потреби на граѓаните.
Проектот е осмислен во тесна соработка со Секретаријатот за европски прашања (СЕП) и во консултација со Министерство за труд и социјална политика (МТСП)/ Сектор за еднакви можности.
Податоците се анализирани во рамките на проектот на UN Women за воведување на родовата перспектива во администрацијата на централно ниво (Gender Equality Facility – GEF). Проектот го спроведува UN Women во партнерство со Секретаријатот за европски прашања и Министерството за труд и социјална политика, финансиски поддржан од Шведска. Проектот нуди поддршка на клучни тела во Владата на Република Северна Македонија задолжени за процесот на интеграција во ЕУ за поефективно спроведување на националната и меѓународните законски рамки за родова еднаквост и правата на жените.
Податоците користени во оваа кампања се од Државниот завод за статистика, поточно од изданијата на „Жените и мажите во Република Македонија/ Република Северна Македонија“, како и дополнителни податоци од МакСтат. Анализата на податоците е направена во рамките на проектот на UN Women за воведување на родовата перспектива во администрацијата на централно ниво, кој се спроведува во соработка со Секретаријатот за европски прашања и Министерството за труд и социјална политика, со финансиска поддршка од Шведска.
Во рамки на овој проект по повод одбележувањето на 8 март UN Women организира едукативна изложба во East Gate Mall, која може да се посети во периодот од 8 март до 8 април. На изложбата ќе бидат поставени и четирите инфографици изработени во Gender Equality Facility – GEF.
