По повод одбележувањето на Меѓународниот ден на младите, Заменик претседателот на Владата задолжен за европски прашања, Бојан Маричиќ упати честитка до младите во земјава.
Денес кога ширум планетата младите го слават својот ден, Меѓународниот ден на младите, нѐ потсетуваат за нивниот огромен потенцијал и моќ кој го носат во себе за промени и општествен развој.
Вашата енергија, капацитет и ентузијазам претставуваат сила за сѐ она што е и сакаме да биде Северна Македонија, како и мотив плус за целата општествена заедница решително да одговори на предизвиците за развој и напредок на земјата.
Млади, партнерскиот однос кој го имаме, со целосно почитување на вашите потреби и идеи, е еден од најдобрите показатели за подготвеноста на Владата да работи на зајакнување на младите како активни граѓани и иницијатори за позитивни општествени промени.
Заеднички продолжиме да работиме на зајакнување на социјалната кохезија преку подобрување и зајакнување на меѓусебното разбирање и секојдневната соработка и да ве поддржуваме на патот кон развивање на вашиот потенцијал, знаења, успеси и цели.
Нека е честит меѓународниот ден на младите, нашиот најголем и најважен капитал, напиша вицепремиерот Маричиќ на својот профил на Фејсбук.
