97 милиони евра од ИПАРД 3 за македонските земјоделци

Влада97 милиони евра од ИПАРД 3 за македонските земјоделци

Најчитано

Заменик претседателот на Владата задолжен за европски прашања и Национален ИПА координатор, Бојан Маричиќ, на својот Фејсбук профил објави дека Европската комисија веќе ја усвоила програмата за ИПАРД 3 во која се доделени 97 милиони евра, европски средства кои ќе се искористат за поддршка на инвестиции во нова земјоделска механизација, изградба на сточарски и живинарски фарми, винарии, млекари, кланици, ладилници, инвестиции во рурален туризам, поддршка за мали бизниси во рурални средини и подобрување на руралната инфраструктура.

– Благодарение на континуираната поддршка која ја добиваат нашите земјоделци од европските фондови, македонските вина и храна имаат свој препознатлив печат и се почитувани не само на Балканот, туку и низ светот, вели Маричиќ, потенцирајќи дека виното е еден од нашите најважни стратешки производи и втор најизвезуван во Европската Унија, која е најзначаен партнер во трговијата со земјоделско-прехранбени производи на Северна Македонија.

Во продолжение тој објаснува дека членството на Северна Македонија во Европската Унија, во областа на вино и храна, ќе овозможи македонските земјоделци да имаат слободен пристап на единствениот пазар на ЕУ, Северна Македонија да биде дел од Европската економска зона и од единствениот пазар на државите членки на ЕУ, да регистрираме и заштитуваме земјоделски производи, кои се веќе регистрирани и заштитени со национални ознаки на потекло, географско потекло или гарантиран традиционален специјалитет, пристап до значаен дел од фондовите на ЕУ, кои ќе бидат на располагање за финансирање на руралниот развој и 100 проценти безбедна, сигурна и конкурентна храна на европскиот пазар.

Искористувањето на овие средства ќе започне по ратификувањето на Рамковната спогодба за ИПА 3 која е во фаза на подготовка за ратификување во Собранието на Република Северна Македонија, што треба да се реализира до крајот на септември 2022. По овој процес следи потпишување на Финансиски спогодби за секоја програма, информираат од Секретаријатот за европски прашања.

 

 

 

 

 

Извор: Секретаријат за европски прашања 

spot_img
spot_img
spot_img
spot_img
spot_img
spot_img
spot_img
https://form.jotform.com/222403480783353spot_img

Последни објави

spot_img
spot_img

Читај повеќе