Во духот на мајчиниот јазик и убавиот пишан македонски збор, учениците од ООУ „Коле Неделковски“ заедно со претставници од Одделението за образование во Општина Центар го посетија овогодинешниот Саем на книгата, по повод Денот на македонскиот јазик и усвојувањето на македонската азбука како официјално писмо.
5 мај е значаен датум за особеноста на македонскиот јазик и за неговото место во јазичното семејство во Светот кое брои 6.909 живи јазици според последните податоци.
Да продолжиме да го негуваме и чуваме македонскиот јазик како најважен столб на нашиот идентитет и да го славиме најубавото писмо – Кирилицата.
Извор: Општина Центар
