spot_imgspot_img
spot_img
spot_img
HomeОпштиниАеродром: Митески најави интензивирање на работата на сезонските работници и подобрување на...

Аеродром: Митески најави интензивирање на работата на сезонските работници и подобрување на нивото на хигиена

Заменик-градоначалникот на Општина Аеродром, Дејан Митески и директорот на Јавното претпријатие за комунални дејности, Благоја Ѓорѓиевски денеска извршија обиколка и посетија повеќе локации низ Аеродром со цел да ја увидат состојбата на терен поврзана со хигиената и други комунални прашања.

По големото невреме што пред неколку дена нанесе голема материјална штета, беше детектиран и проблем со јавното осветлување на улиците „Хаџи Трајко“ и „Божин Николов“ во Горно Лисиче, а екипи веќе работат на отстранување на дефектот и се очекува овие линии за осветлување да бидат пуштени во најкус можен рок.

Исто така заменик-градоначалникот Митески оствари средба и со координаторите на сезонските работници кои ја покриваат целата територија на општината. Утринава со полна пареа и различен вид механизација се работи на улицата „Коста Новаковиќ“ во Стар Аеродром, каде што се кастрат надвиснати гранки, се коси тревата и се уредуваат пешачките зони и велосипедските патеки.

Митески најави дека е во план зголемување на бројот на сезонските работници, набавка на нова дополнителна опрема за работа, како и заштитна облека за луѓето кои се грижат за хигиената во нашата општина, а сѐ со цел интензивирање на работата и постигнување високо ниво на хигиена во Аеродром.

Воедно, заменик-градоначалникот Митески ги повикува граѓаните да пријавуваат дефекти на улично осветлување, фрлен отпад и шут, како и други проблеми поврзани со јавната хигиена на телефонскиот број 072 270 886 секој работен ден од 07:30 до 15:30 часот. На оваа линија во секое време можат да испратат смс или вибер порака со точна локација, а доколку се во можност и фотографии од терен.

Општина Аеродром продолжува со засилено темпо да работи на подобрување на хигиената и на условите во кои живеат и работат нашите граѓани, затоа што чиста животна средина е еден од нашите врвни приоритети.

Извор: Општина Аеродром

Прочитајте

МЗ: Средба со директорот на ФЗОМ – Разгледани можностите за проширување...

0
Министерот за здравство Арбен Таравари одржа состанок со директорот на Фондот за здравствено осигурување, д-р Александар Клековски, претставници на Фарамабренд-Нова (асоцијација на иновативни фармацевтски...