Општина Бутел достави десетина значајни проекти до Министерството за локална самоуправа, за финансиска поддршка од Владата. Два од нив беа носечки во предизборната програма на градоначалникот Дарко Костовски.
Општина Бутел аплицираше со следните проекти:
– нова, целосно уредена пешачка патека, покрај новото речно корито на река Серава во Радишани
– мега парк со плоштад во населба Радишани (над трет влез), на површина од 10 000 метри квадратни
– доградување на коритото на река Серава во должина од 300 метри
– изградба на атмосферска канализација на улица “Рудо”
– целосно асфалтирање на 10 поголеми и клучни сообраќајници на територија на општина Бутел.
Општинската администрација и градоначалникот максимално се посветија на изработување на целосната урбанистичко планска документација за секој поднесен проект до Владата и изразија надеж дека поднесените проекти ќе бидат прифатени и секако реализирани.
Градоначалникот упати голема благодарност до премиерот Христијан Мицкоски за оваа историска одлука, општините за првпат добиваат вистински партнер во Владата.
Извор: Општина Бутел
