Во просториите на Секретаријат за европски прашања, Заменик претседателот на Владата задолжен за европски прашања, Бојан Маричиќ, оствари средба со пратеникот во Собранието на Северна Македонија, Кастриот Реџепи.
На состанокот разговараа за актуелните теми поврзани со нашата европска интеграција, за важноста на конструктивната работа на Собранието, како и улогата и придонесот на пратениците кон реализацијата на стратешките цели на државата и европската реформаска агенда.
-Сето она што досега го постигнавме со зајакнувањето на демократијата, но и севкупната ефикасност на државата, меѓу другото е со поддршката на пратениците. Нивниот глас за сетот пакет мерки овозможи нашата земја да покаже успешно менаџирање на сегашната глобална криза, но и исклучителна отпорност на тешките последици од пандемијата, рече вицепремиерот Маричиќ на сребата.
Соговорниците, Маричиќ и Реџепи, на крајот на состанокот ја потврдија заедничката заложба за продолжување и зајакнување на реформскиот и европскиот курс на земјата, за обезбедување сигурна и безбедна иднина на сите граѓани.
