Министерот за социјална политика, демографија и млади, Фатмир Лимани оствари средба со шефот на мисијата на ОБСЕ во Скопје, Килијан Вал.
Двајцата соговорници разговараа за значењето на соработката меѓу Министерството за социјална политика, демографија и млади и Мисијата на ОБСЕ во Скопје и притоа посебен акцент беше ставен на родовата еднаквост, недискриминацијата, младите и имплементацијата на Стратегијата за вклучување на Ромите во сите општествени сфери.
Интензивирање на активностите поврзани со усвојувањето и спроведувањето на Законот за родова еднаквост, беше една од точките за која беше постигнат заемен договор.
Министерот Лимани го информираше амбасадорот Вал за целите на Владата, каде почитувањето на семејните вредности ќе зазема посебно поглавје.
Дополнително, на оваа средба се разговараше и за вклучување на младите во сите политики и институционални одлуки за спречување на миграцијата на младите.
Извор: Министерство за социјална политика, демографија и млади
