Министерот за јавна администрација Горан Минчев денес одржа продуктивен состанок со претставници на Меѓународниот републикански институт (ИРИ) на кој се разговараше за тековната и идна соработка насочена кон зајакнување на демократското владеење и реформата на јавната администрација.
Состанокот се фокусираше на неколку клучни области, вклучително и зајакнување на транспарентноста, отчетноста и посветеноста за поттикнување на поинклузивен и поефективен систем на јавна администрација.
Министерот Минчев ја истакна важноста на меѓународната соработка за постигнување на овие цели, истакнувајќи – „Нашето партнерство со ИРИ е од клучно значење за спроведување на најдобрите практики во јавната администрација. Посветени сме да работиме заедно за да создадеме потранспарентна и поодговорна институција во интерес на нашите граѓани.”
Претставниците на ИРИ ги претставија нивните тековни програми и истакнаа ентузијазам за континуирана соработка со министерството.
“Ја поздравуваме посветеноста на Министерството за јавна администрација за унапредување на демократските принципи и заложбите за промовирање на демократското владеење и реформите во јавниот сектор“, – посочи Илина Мангова, регионална советничка за Европа на ИРИ.
