Општина Новаци по трет пат ја организира манифестацијата „Фестивал на жетвата” Новаци 2024, кој годинава се одржа на 19 и 20 јули кај манастирот Рождество на Пресвета Богородица во Новаци
Оваа година финансиски Фестивалот на жетвата беше поддржан и од министертвото за земјоделие, водостопанство и шумарство.
На вториот ден од фестивалот беше присустен и министерот за земјоделие Цветан Трипуновски кој ги посети сите изложувачи и сите штандови на домашни производи, храна и семенски материјали, земјоделска механизација и сл.
На првата вечер во забавниот дел настапуваа Кловнот Диши и детската претстава Љупка и Љубица додека после свеченото отворање и обраќањето на градоначалникот на Општина Новаци Стевче Стевановски настапија Спасен Силјановски и Стојне Николова.
На втората вечер од “Фестивалот на жетвата” премиерно беше изведена песната со наслов “Новаци”. Композитор е Злате Ангелевски, текст Валентин Соклевски, во изведба на Ленче и Горан Кукиќ.Покрај нив настапија Кловнот Диши и претставата Разгалениот принц како и К4 бенд.
Исто така беа доделени признанија на земјоделците од Општина Новаци за својата работа изминатата година како и благодарници на сите учесници и помагачи на фестивалот.
Извор: Општина Новаци
