На последната 35 Седница на совет, советниците донесоа одлука за поставување видео надзор во општината. Одлуката е поздравена од сите советници и едногласно е донесена поради заштита на урбаната опрема, детските и спортски игралишта но и намалување на насилното однесување и заштита на младите. Токму поради насилно однесување во општината имаше зголемени полициски патроли.
Веруваме дека преку видео надзорот ќе успееме да го намалиме девијантното однесување но и да ја обезбедиме заштита на имотoт и имотните права на општината како урбаната опрема, инфраструктурните објекти, сообраќајни знаци и семафори и уличното јавно осветлување.
Сакаме да ги известиме граѓаните дека снимките од надзорот ќе може да се користат единствено и само по налог на Јавно обвинителство и МВР и дека не постои никаква можност истите да бидат било како злоупотребени.
Целиот процес ќе биде направен со целосно почитување на Законот за заштита на лични податоци, а актите ќе бидат прецизирани со целосно вклучување на Агенцијата за заштита на лични податоци. Видео надзорот ќе биде поставен на видно место и за истиот ќе биде истакнато Известување дека се врши видео надзор од страна на Општината и ЈП ПОЦ.
Извор: Општина Центар
