Министерот Горан Минчев оствари работна средба со сите вработени од Министерството за јавна администрација, со цел информирање за актуелната состојба на министерството како и за понатамошните планови и цели за раст и развој.
Воедно, ги сослуша предлозите и сугестиите изнесени од страна на вработените, претежно во насока за подобрување на целокупното функционирање на министерството.
Министерот Минчев со своите најдобри заложби истакна максимално разбирање и поддршка по однос на барањата на вработените, пред се во домен на капацитетот, условите и кадровската поставеност.
Целиот процес кој што претстои во иднина е комплексен и тежок, но заеднички како тим, ќе овозможиме значително позитивно влијание и напредок, а со цел поставување на цврсти темели за функционално и сериозно министерство – истакна Минчев.
