Амбасадорот на Република Туркије во земјава, Н.Е. Фатих Улусој на денешната средба со првиот заменик претседател на Владата и министер за животна средина и просторно планирање Изет Меџити му упати честитки за превземањето на новите функции во Владата.
Меџити изрази благодарност за континуираната поддршката што Република Туркије ја дава на нашата држава и на заедниците што живеат во неа.
Амбасадорот Улусој потврди дека таа поддршка ќе продолжи и во наредниот период, а во делот на заштита на животната средина ќе биде фокусирана на управување со водите, врз основа на Меморандумот за соработка што го потпишаа владите на Северна Македонија и Туркије.
Извор: Министерство за животна средина и просторно планирање
