Во општина Бутел се поставени фотонапонски соларни панели на четири објекти во општината.
Како една од активностите во рамки на проектот „Зелена енергија” во Општина Бутел се поставија соларни фотонапонски панели на четири објекти – oпштинската административна зграда, ООУ “Св.Климент Охридски”, ООУ “Ацо Шопов” и градинката “Ташко Караџа”.
Реализацијата на оваа активност значи дека четири објекти под надлежност на oпштина Бутел ќе имаат сопствено производство на струја од обновливи извори на енергија и истите ќе бидат целосно енергетски ефикасни.
Во изминатата година активно се имплементираше овој проект кој за општината донесе многу придобивки.
Ова е дел од проектот кој е финансиран и поддржан од Европска Унија.
Извор: Општина Бутел
