Министерот за социјална политика, демографија и млади Фатмир Лимани одржа особено важна средба со Регионалната директорка за Источна Европа и Централна Азија на UNFPA, Флоренс Бауер во Женева.
Соговорниците разговараа на три клучни теми: родово базирано насилство, демографија и млади.
Зборуваа и за резултатите од досегашните политики и мерки кои се преземени во овие области, но и за можностите за унапредување на истите.
Двете страни се согласија дека анализите на терен најдобро ги отсликуваат резултатите од донесените политики и дали тие навистина допираат до граѓаните.
Во таа насока донесоа заклучок дека периодот пред нас, ќе бидат засилени заедничките активности со цел правилно мапирање на предизвиците со кои се соочуваме и носење на решенија кои вистински ќе им помогнат на оние кои се засегнати, особено жртвите на родово базирано насилство. Како особено важно беше истакнато и овозможувањето на поголема покриеност на услугите на национално ниво.
Средбата се случува на маргините на Регионалниот состанок за следење на напредокот на Пекингшката декларација и Платформа за акција за родова еднаквост (Пекинг +30).
Извор: Министерство за социјална политика, демографија и млади
