Денес се започна со мерење на квалитетот на амбиентниот воздух односно мерење на концентрацијата на цврсти честички со големина од 2,5 микрометри на две локации од кои едната е урбана средина (населено место Железара) и рурална средина (населено место Јурумлери) со цел добивање на компаративна анализа на квалитетот на воздухот во урбана и рурална средина.
⚗️Мерењета ќе се спроведат во континиутет од 10 дена во сите временски сезони во текот на една година. Мерењета се прават согласно утврдените стандарди за земање на примероци МКС EN 14907:2006 а потоа ќе се изврши хемиска анализа на филтрите за да се утврдат изворите на загадување и да се направи ккомпарација на изворите во урбаната и руралната средина.
По завршување на годишниот мониторинг ќе се направи Конечен извештај од кој ќе произлезат предлог мерки за подобрување на квалитетот на амбиенталниот воздух.
Оваа активност се реализира согласно потпишаниот Меморандум за соработка на општина Гази Баба со Универзитет Гоце Делчев – Штип, Факултет за природни и технички.
Извор: Општина Гази Баба
