Во дворот на основното училиште „Љубен Лапе“ никна пензиски парк, во кој в. д. градоначалникот Дејан Митески, директорката на училиштето, Фоника Станоева и дел од учениците насадија 15 листопадни дрвја од видот платан, липа, црвен даб, топчест багрем и украсна слива.
Станува збор за проект на македонските пензиски друштва, кои под мотото „Засади желба за одржлива иднина“ преку едукативна кампања создаваат пензиски паркови за поубава и позелена иднина.
Општина Аеродром секогаш дава поддршка на иницијативи што придонесуваат за зголемување на свеста кај учениците за создавање здрави навики.
Извор: Општина Аеродром
