Денес заврши втората сесија на тематски работилници на која учество земаа повеќе од 50 претставници на високообразовни институции, националното здружение ЗМСТАМ и други здруженија на медицински сестри и акушерки, работни групи од Министерството за здравство и образование, во рамките на проектот за унапредување на образованието и статусот на медицинските сестри и акушерки.
Одлични и конструктивни дискусии за важните следни чекори за проектот, понатамошните потреби идентификувани во рамки на проектот, зајакната соработка со цел зајакнување на статусот на професијата медицинска сестра и акушерка.
Претставници на Министерството за здравство, Зборница-Звезда , Центарот за евопски перспектици-ЦЕП и Канцеларијата на СЗО во рамки на проектот за „Унапредување на образованието на медицински сестри и акушерство и воспоставување системот за признавање на стручни квалификации во земјава, продолжуваат со интензивна соработка и во наредниот период.
Проектот се реализира со поддршка на словенечкото Министерство за здравство, со техничка поддршка од СЗО.
Извор: Министерство за здравство
