Во Домот на културата во Општина Ѓорче Петров, во рамки на кампањата „Стоп за булингот“ на „Макпетрол“, се одржа моќна трибина со фокус на родителите и наставниците како клучни фигури во превенцијата и решавањето на врсничкото насилство. На настанот присуствуваа родители од сите шест основни училишта во Општина Ѓорче Петров, а беше воден од актерот Сашко Коцев.
Градоначалникот Александар Стојкоски ја нагласи важноста на заедничките напори во борбата против булингот. „Родителите и наставниците се првата линија на одбрана. Нивната улога е незаменлива во создавањето на безбедно и поддржувачко опкружување за нашите деца“, истакна Стојкоски.
На трибината учествуваа и психологот Деспина Стојановска, Соња Палчевска Ќосева од Општина Ѓорче Петров, педагогот Валентина Алексовска и психологот Гордана Несторова. Беа разгледани причините и последиците од врсничкото насилство, како и практични решенија за негово спречување.
Минатата година фокусот беше на учениците, а сега акцентот беше ставен на родителите и наставниците, кои се клучни во препознавањето и справувањето со булингот.
„Ова е само почеток. Ќе продолжиме со вакви иницијативи за да осигураме дека секое дете ќе има можност да расте во средина полна со разбирање и поддршка“, додадоа од Општина Ѓорче Петров.
Искрена благодарност до сите учесници!
Извор: Општина Ѓорче Петров
