Денес започна реконструкцијата на главната улица во населеното место Љуботенски пат. Улицата 30 е од големо значење за жителите.
На улицата е предвидено машинско гребење и копање на оштетениот и пропаднат асфалт, поставување на нови шахти и сливници и проширување на улицата каде што има можност.
Улица 30 е во должина од 900 метри и површина од 3500 м2.
Ова е почеток на голема градежна офанзива. Локалната самоуправа инвестира 150 милиони денари за реконструкција на 70 улици.
Градоначалникот Дарко Костовски изрази задоволство за реализирањето на ветувањето пред граѓаните.
Во општина Бутел се подобрува патната мрежа во сите населени места.
Локалната самоуправа продолжува да инвестира во населеното место Љуботенски пат – се изгради нова пешачка патека, како и нов спортско-рекреативен центар “Бранители”.
Еднаков и рамномерен развој на сите населени места.
Извор: Општина Бутел
