Импресивно делува сето тоа бидејќи до крајот на месецот очекуваме нов 60 километри фронт и работа на три паралелни локации, а тоа е Гостивар-Букојчани, Прилеп-Битола и Тетово-Гостивар, истакна претседателот на Владата Христијан Мицкоски одговарајќи на новинарско прашање.
60 километри фронт решени имотно-правни односи, нешто што не можеше претходната влада во рок од две-три години да го помисли. Сега, за неколку месеци веќе е решено, и доброто е тоа што ќе се реализираат овие проекти и доброто е тоа што граѓаните ќе можат да ги користат и на безбеден начин да комуницираат од еден во друг град.
И нормално тоа е добро за туристичката сезона во Охрид, и нашите туристички центри, не само Охрид туку и останатите бидејќи на побрз начин туристите ќе можат да дојдат до останатите туристички места низ државата, потенцираше Мицкоски.
Извор: Влада
