TППЕ- Гевгелија апелира до физичките и правните лица, пред почетокот од грејната сезона да извршат чистење на оџаците, бидејќи неисчистените оџаци можат да предизвикаат пожар. Освен тоа, граѓаните да ја проверат исправноста на електричната инсталација и грејните тела кои ги користат во зимскиот период за затоплување.
– Минатата година, во текот на грејната сезона од ноември до април, во Гевгелија се регистрирани пожари во колективните и приватните станбени објекти кои беа предизвикани токму од неисчистени оџаци, информираше командирот на ТППЕ- Гевгелија, Игор Ризов. Апелирајќи до граѓаните на општина Гевгелија да си ја сфатат сериозно одговорноста што претставува и законска обврска за да не дојде до загрозување на безбедноста и до катастрофи од поголем размер. Но, и да се провери исправноста и на електричната инсталација и на електричните грејни тела кои се користат во зимскиот период за затоплување. Напоменувајќи дека во изминатиот период се забележани и пожари од заборавени полначи за телефони, како и полначи за батерии на технички апарати.
Извор: Општина Гевгелија
