На 8 февруари 2022 година во Виена се одржа состанок на високо ниво за инаугурација на обновениот дијалог за европската безбедност во рамки на ОБСЕ. Овој процес е на иницијатива на полското претседавање со ОБСЕ во 2022 година, а на состанокот во видео формат учествуаше заменик министерката за надворешни работи на Република Северна Македонија ФатмиреИсаки.
Во нејзиното обраќање, ЗМНР Исаки се осврна на предизвиците и ризиците со кои се соочува регионот на ОБСЕ, на климата на недовeрба, и на итната потребата од зајакнување на мерките за безбедност и соработка. Во тој контекст, таа повика на активен дијалог и конструктивен пристап проследен со целосно и конзистентно почитување на принципите на ОБСЕ како модел за намалување на постоечките разлики и поделби.
ОБСЕ, посочи ЗМНР Исаки, ги има на располагање најсоодветните механизми и алатки за нужниот исчекор и подобри перспективи за безбедноста и соработката во Европа. Конечно, ЗМНР Исаки истакна дека дијалогот е истовремено и извор и средство за позитивни решенија и упати на нашата подготвеност за активен ангажман како член на ОБСЕ Тројката и како земја учесничка, доследен поддржувач на приниципите и заложбите на организацијата.
