Екипите на ЈП Водовод и канализација – Скопје, од Секторот Канализација, во текот на викендот и завчера поради интензивните врнежи од снег излегоа на терен и ги расчистуваа сливниците и шахтите, за да може да функционира атмосферската канализација на територија на град Скопје.
Изминатата недела екипите од јавното претпријатие покрај редовните теренски проверки и работни активности, интервенираа и на неколку локации во градот, со цел непрекинато и квалитетно водоснабдување за скопјани.
Преку секторот Водовод интервенирале на отстранување на дефекти на следните локации: Батинци 3/52, Долно Свиларе улица 1 бр.9, улица Џон Кенеди 5, улица Антон Димитров 104, улица Серска, улица Љубо Петровиќ 14, улица Коце Металец кај Ремедика, улица Јани Лукровски, с.Долно Свиларе, улица Тодор Чангов 31/11 и на Плоштад Македонија. На улицата Војдан Чернодрински бб. направиле нов водоводен приклучок .
ЈП Водовод и канализација – Скопје со цел зголемување на квалитетот на услугите за корисниците посветено работи на одржување на водоводната и на канализационата мрежа во град Скопје.
Извор: Град Скопје
