Продолжување на успешната соработка беше во фокусот на работната средба меѓу министерот за информатичко општество и администрација Адмирим Алити и амбасадорот на Кралството Холандија Н.Е. Дирк Јан Коп.
На средбата беа разменети мислења и се разговараше за силната холандска поддршка и помош во однос на проектите поврзани со реформата на јавната администрација, вклучувајќи ја и борбата против корупцијата. Се разговараше и за останатите проекти на кои посветено работи МИОА, како што се дигитализацијата, сајбер безбедноста и медиумите.
Министерот Алити му се заблагодари на амбасадорот Јан Коп за континуираната поддршка од Кралството Холандија и споделувањето на искуствата во однос на реформските процеси, истакнувајќи ја заложбата за стручна, професионална и департизирана администрација.
Извор: Министерство за информатичко општество и администрација
