Во рамки на силните заложби за понатамошна модернизација на администрацијата и дигитализација, министерот за информатичко општество и администрација Адмирим Алити вчера оствари работна средба со програмскиот директор на компанијата ,,Startup Macedonia”, Игор Маџов.
На средбата се разговараше за можностите за соработка, при што беа презентирани идеи поврзани со иновативните технологии, во насока на обезбедување дигитални услуги коишто ќе го олеснат животот на граѓаните.
Истакнувајќи дека дигитализацијата како процес е една од најбитните цели кон коишто сме фокусирани, министерот Алити изрази уверување и оптимизам дека соработката, преку конкретни чекори во иднина, ќе биде плодна и ефикасна. Тоа ќе значи осовременување на администрацијата, како и нови бенефити и благосостојба за граѓаните.
Извор: Министерство за информатичко општество и администрација
