Агенција за финансиска поддршка во земјоделството и руралниот развој денеска изврши исплата по основ директни плаќања по обработлива земјоделска површина за градинарско производство и цвеќе на отворено и во пластеници.
Станува збор за исплата кон 11.393 корисници кои при аплицирањето за финансиска поддршка од програмата за директни плаќања пријавиле земјоделски површини на кои се обработуваат градинарски култури или ароматични, зачински и лековити растенија.
Вкупната финансиска поддршка која што е исплатена кон оваа категорија на земјоделски производители изнесува 221.229.139 денари.
Агенцијата за финансиска поддршка во земјоделството и руралниот развој продолжува со обработка на барањата за финансиска поддршка предвидена во програмата за директни плаќања и интервентниот фонд за кои барања ќе следува исплата во следниот период за сите апликанти кои ги исполниле критеирумите и условите за добивање на финансиски средства.
Извор: Агенција за финансиска поддршка во земјоделството и руралниот развој
