Целосно ги поддржуваме геостратешките пристапи за енергетска независност и безбедност во целиот регион. Под водство и тесна соработка со нашиот стратешки партнер САД посветени сме на плановите за постигнување на енергетска диверзификација и независност во енергетскиот сектор, кажа министерот за економија Крешник Бектеши.
Министерот за економија Крешник Бектеши за време на неговата официјална посета на Соединетите Американски Држави се сретна со водечки личности во Белата куќа како и во Стејт департментот.
На средбите како една од најважните теми и со посебен акцент беше енергетската безбедност во регионот.
“САД и Северна Македонија се посветени на зајакнување на партнерството во транзиција и производство на обновливи извори на енергија” – напиша министерот за економија Крешник Бектеши.
Извор: Влада
