Продолжуваат приемните денови за жителите на општина Кисела Вода. Завчера, со градоначалникот Ѓорѓиевски, средба остварија преку 40 граѓани.
На заедничка маса се дискутира околу проблемите што ги имаат и динамиката на нивното решавање, а се изложуваат и многу идеи и предлози за реализација на нови проекти.
Градоначалникот Ѓорѓиевски ги информира за преземените активности и плановите на локалната самоуправа кои се поврзани со нивното место на живеење. Граѓаните пак, поочија на новонастанатите проблеми, за што добија уверување за побрза реакција, секаде каде што решението е во надлежност на Општина Кисела Вода, бидејќи, како што потенцираше градоначалникот, подобрувањето на условите за живеење е во заеднички интерес и негова примарна цел.
Приемните денови ќе продолжат со несмалена динамика. Се закажуваат на телефон 02/2785-401, каде граѓаните се информираат за датумот и времето на средбата.
Извор: Општина Кисела Вода
