На онлајн состанокот со Јарослав Пондер-шеф на Канцеларијата на ИТУ за Европа и со другите претставници на Меѓународната телекомуникациска унија, се разговараше за профилот на Северна Македонија во контекст на дигитални иновации.
Министерот Алити ја истакна важноста од досегашната соработка со ИТУ, а особено Меморандумот за соработка за „Заштита на децата преку Интернет“. Воедно изрази подготвеност како министер за информатичко општество и администрација да ги преземе неопходните чекори за создавање дигитален екосистем, кој ќе овозможи понатамошен развој и заштита.
Меѓу другото, на оваа средба се разговараше за предизвиците, можностите и приоритетите во однос на технолошката трансформација и иновациите, при што беше договорено дека ваквите продуктивни средби ќе продолжат да ги одредуваат следните чекори.
Извор: Министерство за информатичко општество и администрација
