Перцепцијата за судството ќе се промени, најави министерот за правда Никола Тупанчески во вечерашното гостување во дневникот на Сител. Одговорност ќе има за секој оној кој ќе го прекрши законот. Реформите во правосудниот систем ќе се интензивираат.
Ќе има измени на Законот за извршување на санкции, спогодување за вина за тешки кривични дела нема да има,во завршна фаза се законите за амнестија , за помилување, за вештачење, за управување со одземен имот. Министерот Тупанчески информираше дека за прв пат, после долго време пополнети се две места , избрани се Виши јавни обвинители во Битола и Штип.
„Јавните обвинители се на потег при изборот на нов јавен обвинител за организиран криминал. Над 160 обвинители треба да одлучат кој ќе биде новиот јавен обвинител во Основното јавно обвинителство за организиран криминал и корупција“, рече Тупанчески.
Извор: Министерство за правда
