Завчера со работилницата за секторот „Вработувања во јавниот сектор“, започна серијата на работилници на кои ќе биде разгледан предлог материјалот за изменување и дополнување на НС 2021-2025, како и нови предлози кои ќе ги дадат учесниците на секоја од работилниците по одделни сектори од стратегијата.
Имајќи предвид дека измената на Националната стратегија се подготвува во постапка како и за донесување на истата, односно со учество на претставници на државни органи, институции, здруженија, фондации, приватен сектор и медиуми, ДКСК во периодот од 08.05-18.05.2023 година, во просториите на ДКСК, со поддршка на Меѓународната фондација за изборни системи (IFES) ќе одржи серија работилници, за секој од секторите нод Националната стратегија како и за двете нови хоризонтални области, „Имот во државна сопственост“ и „Инспекциски надзор“.
На работилниците ќе учествуваат претставници од институциите кои се означени како надлежни или вклучени институциии за реализација на одредена активност, односно лица вработени во организационите единици кои директно учествуваат во реализацијата на утврдените активности во НС 2021-2025, како и лица за кои институциите сметаат дека можат да дадат придонес во измената и дополнувањето на Националната стратегија.
