На 12.9.2023 (вторник) во просториите на Општина Гази Баба се одржа третиот работен состанок на дел од партнерите во проектот „Инклузија преку МКФ“ (http://www.icf-inclusion.net), претставници од Општина Гази Баба, Здружението „Образование за сите“ Скопје, Сојузот на специјални едукатори и рехабилитатори на РСМ како и претставници на наставниот кадар од училишта од подрачјето на општината.
Во исклучително конструктивна атмосфера се разменија искуства и мислења во однос на пилотирањето на резултатите од проектот, со посебен акцент на Листата за проверка на инкузија и долгорочниот ИОП врз база на МКФ.
Чекор поблиску сме до финализирањето на практични алатки кои ќе им го олеснат планирањето на наставниот процес на децата со попреченост на наставниците во основното образование.
Извор: Општина Гази Баба
