Министерот за информатичко општество и администрација, Азир Алиу, ја пречека амбасадорката на Швајцарија во нашата земја, Нејзината Екселенција Вероник Хулман Марти.
Во фокусот на денешната средба беа дигиталната трансформација, реформите во јавната администрација, корупцијата, иновациите и меѓусебната соработка.
На оваа средба се разговараше за можностите за соработка во развојот на технологијата и дигитализацијата, за надминување на предизвиците и создавање нови можности.
,,Ми беше задоволство да ја пречекам амбасадорката на Швајцарија во Скопје, H.E. Вероник Хулман Марти, со која разговаравме за можностите за зголемување и зајакнување на соработката меѓу нашите две земји. Ја информирав за проектите коишто Министерството за информатичко општество и администрација ги реализира во областа на дигитализација со цел подобрување на квалитетот на јавните услуги за граѓаните, за реформите во јавната администрација, како и поголемата транспарентност на институциите, изјави Алиу.
Исто така, на средбата се разговарало и за можностите за соработка во проекти кои ја подобруваат технолошката инфраструктура на локално и централно ниво.
Cоработката во дигиталната трансформација е комплексен предизвик, но многу важен за напредокoт и подобрувањетo на општеството и економијата во дигиталната ера.
Извор: Министерство за информатичко општество и администрација
