Заменик градоначалникот на Град Скопје, Александар Трајановски е во официјална посета на Тирана на Самитот Б40 Балканска мрежа на градови. При посетата Трајановски оствари средба со градоначалникот на Тирана, Ерион Велијај и со градоначалникот на Истанбул, Екрем Имамоглу.
На средбата Трајановски со своите соговорници поразговара за полињата на соработка на кои можат заедно да делуваат метрополите како проекти за дигитализација и заштита на животната средина. Соговорниците разменија искуства и разговараа за можни и конкретни решенија. На средбите се разговараше и за натамошно продлабочување на соработката помеѓу градовите и градските администрации.
Извор: Град Скопје
