Општина Демир Капија упатува срдечна благодарност до целиот тим на USAID North Macedonia и Strengthening Resource Mobilization Activity – North Macedonia за несебичната поддршка, посветеност и поттик за развој на нашата општина и нашата заедница, во стремежот за зголемување на активната транспарентност на локално ниво.
Проектот „Зајакнување на капацитетите за искористување на ресурсите“ ни овозможи потранспарентна изработка на нова веб-страна на Општина Демир Капија по сите стандарди, преку изготвениот Кодекс за транспарентност на локално ниво, со што придонесуваме за информирана и ангажирана заедница која ќе води кон попросперитетна општина.
Новата веб-страна ќе биде активна во текот на месец март, а ќе претставува платформа на која заинтересираните ќе ги добиваат сите потребни информации и услуги на општината, општинските институции, бизнис и НВО секторот.
Извор: Општина Демир Капија
