Делегација предводена од Градоначалничката на Град Скопје Данела Арсовска, оддаде почит во сеќавање на жртвите во катастрофалниот земјотрес, што пред 61 година го остави Скопје во урнатини.
Скопјани секогаш со тага се сеќаваат на овој немил настан, но и на меѓународната хуманост и солидарност на сите кои помогнаа и учествуваа во повторната изградба на градот.
Во рамките на одбележувањето ќе се одржат првиот интернационално традиционален поетски фестивал ЗАЕДНО ЗА СКОПЈЕ посветен на земјотресот на кој учествуваат 130 поети од 40 држави.
Во Музејот на Град Скопје ќе биде отворена изложбата „КУЛТУРНИТЕ ИНСТИТУЦИИ ВО СКОПЈЕ ПО ЗЕМЈОТРЕСОТ ВО 1963 ГОДИНА“.
Извор: Град Скопје
