spot_imgspot_img
spot_img
spot_img
HomeОпштиниКичево: Усвоен Локалниот акциски план за управување со отпад

Кичево: Усвоен Локалниот акциски план за управување со отпад

Општина Кичево го усвои Локалниот акциски план за управување со отпад, кој е усогласен со и произлегува од Оперативниот регионален план за управување со отпад и има за цел да воспостави одржлив механизам за управување со отпад во општината, но и во поширокиот регион.

Приоритетите кои се предвидуваат во Локалниот акциски план, преку инклузивен процес со засегнатите страни од заедницата, ќе придонесат кон константно подобрување на услугите за управување со отпад и подобрување на еколошката слика на општината, како и кон ефикасно и економски оправдано функционирање на надлежните институции на општо задоволство на сите во заедницата и во регионот.

Поконкретно, со овој план ќе се подобрат состојбите во однос на обезбедување услуги за управување со отпад, пред сè за собирање и транспорт на отпад на што е можно повеќе корисници, воведување систем за селекција на отпад и собирање на посебни текови на отпад, намалување на количините на органски отпад кои завршуваат во депонијата и затворање на дивите депонии во Општина Кичево. Исто така, предвидено е да се пронајде начин со кој ќе се обезбедат дополнителни приходи кои целосно ќе ги покријат трошоците за управување со отпад.

За остварување на овие приоритети, од суштинско значење е партиципативниот и инклузивниот пристап на сите чинители и засегнати страни во општината, почнувајќи од самата локална самоуправа и нејзините тела, преку бизнис-заедницата, па сè до самите граѓани. Очекуваме секој од нас да даде личен придонес за справувањето со отпадот во нашата општина.

Локалниот акциски план го подготви работна група составена од членови на општинската администрација и јавното комунално претпријатие, со поддршка од SALAR International и Шведската агенција за меѓународен развој.

Планот е достапен на следниот линк:
Локален акциски план за управување со отпад 2024 – 2025

Извор: Општина Кичево

Прочитајте