spot_imgspot_img
spot_img
spot_img
HomeНовостиПретседател: Давкова го потпиша указот за прогласување на Законот за изменување и...

Претседател: Давкова го потпиша указот за прогласување на Законот за изменување и дополнување на Законот за организација и работа на органите на државната управа

Дозволете ми да Ве информирам дека го потпишав указот за прогласување на Законот за изменување и дополнување на Законот за организација и работа на органите на државната управа, што беше изгласан во собранието вчера со 88 гласа „за“.

Во прашање е закон што се носи со двотретинско мнозинство, којшто претседателот, согласно членот 75, став (4) е должен да го потпише, односно на кој нема право да стави вето.

Законот е реформски и со него:

  • прво, ќе се анулира паралелизмот на надлежностите на многу министерства, со што ќе се обезбеди функционалност и одговорност;
  • второ, ќе се (дис)лоцираат надлежностите во соодветните министерства, со што ќе се рационализира и ефектуира нивната работа (Министерство за надворешни работи и надворешна трговија, Министерство за економија и труд, Министерство за енергетика, рударство и минерални суровини, Министерство за социјална политика, демографија и млади, Министерство за култура и туризам);
  • трето, ќе се институционализираат нашите стратешки приоритети преку формирање соодветни министерства: (Министерство за европски прашања, Министерство за дигитална трансформација) и
  • четврто, ќе се подигне нивото на општествената грижа за физичкото и менталното здравје на нацијата (Министерство за спорт).

Извор: Претседател на РСМ

Прочитајте

Илинден: Најдобрите ученици на државните натпревари на прием кај градоначалникот Георгиевски

0
И оваа година Градоначалникот на општина Илинден Александар Георгиевски приреди прием на учениците од основните и средното училиште од општината кои освоија високи места...