spot_imgspot_img
spot_img
spot_img
HomeСамостојни органиСамостојни државни органиДКСК: Имплементација на системот на интегритет на локално ниво

ДКСК: Имплементација на системот на интегритет на локално ниво

Денеска во Скопје, Државната комисија за спречување на корупцијата и Мисијата на ОБСЕ во Скопје го одржаа првиот од четирите планирани настани со градоначалниците и раководните лица од единиците на локалната самоуправа, заради заокружување на досегашната соработка во делот на имплементацијата на системот на интегритет на локално ниво. На денешниот настан учествуваа градоначалници од Скопскиот и Полошкиот статистички регион.

На настанот присутните ги поздравија претседателката на Државната комисија, г-ѓа Татјана Димитровска и шефот на Мисијата на ОБСЕ во Скопје, амбасадорот Килиан Вал, кои ги истакнаа одговорностите на градоначалниците при поддржувањето на интегритетот и борбата против корупцијата, нагласувајќи дека градоначалниците треба да служат како пример и преку нивното етичко и професионално однесување да инспирираат, мотивираат и да го поддржуваат создавањето на подобро општество со нула толеранција за корупција.

Претседателката Димитровска и членовите на ДКСК, заедно со амбасадорот  Вал ја реафирмираа својата заложба за промовирање на начелата за интегритет и спречување на корупцијата, во насока на засилена соработка во иднина со единиците на локалната самоуправа.

Извор: Државна комисија за спречување на корупцијата

Прочитајте

Дојран: Дојран Гурман Фест 2024

0
Дојран Гурман Фест 2024– гастрономско патување низ вкусовите на традиционалната кујна од Дојран приготвени од вештите раце на жените од “Здружение на жени-Дојрана” кои...